ما بعرف يا صاحبي
ليش حاسي بأني مش أنا
ايه يمكن هيدي ضريبة الغربة
طيب أنا حتى لو كنت بغربة
المفروض أنت ما دخلك
يعني ليش ما عارفي كون
معك متل الأول
شو يا صاحبي ؟!
لتكون تخليت أنت عني كمان
ما ع أساس نحنا فينا
نكون متل ما بدنا
ونعيش متل ما بدنا
ونمارس حرياتنا
ما دامنا ما بنأذي حدن
بتعرف شو ...
هاي أكبر كذبة عم نعيشها
والمصيبة أنو عارفينها كذبة
ومع هيك مصدقينها وعم نعيشها
أنو شو فينا نعيش متل ما بدنا
هههههههه
يسلملي ربك على هالكذبة
هالكذبة خلتني فكر
بالي بيدعيّ للحرية
وبيتبجح أنو مع الحريات الشخصية
ولا العامة كمان
وهو أكبر محتكر للحريات
والكارثة وين كمان
بالي بضل يعمل مؤتمرات
وشايلي الدنيا عشان حقوق المرأة
وأنها يا حرام شو مظلومة
ههههه ويا ويلي هوي شو بناصرها
طبعا كل هيدا كذب
بس عشان يحافظ على برستيجو
أدام الرأي العام
لأنك لو شفتو كيف بعامل مرتو
كنت متت أكيد من الأهر
هلى شو الي خلاني فكر هيك
ما كنت بحالي
العمى ما فيّ الآ ما أحكي
هههههه ويلا كلو رايح
حكيت أو ما حكيت
مين مهتم دخلك؟
يعني مين أنا لأنتقد
فلان .. وعلان
شو ليش أنا بقدر أحكي
هيك شي أدام حدن منهم
كانوا كتبوا على شهادتي
الله يرحمها شو كانت منيحة ههههههه
يا صاحبي ما تهتم
هاي الحريات بوطنا العربي
وهاي الحكايات المعفنة
بمجتمعنا الي ما بشوف
الآ أخطاء غيرو
وألي مخلي العُرف والتقاليد تمشي
والدين والمبدئ يوقف
وكأنو الحرام والحلال
مش مهميين
كل الي بهم عيب هالشي
ما متعودين عليه عيب تعمليه
أي شو هيدا ياه
بيكفي لعب بمصيرنا
وضحك على عقولنا
ونحنا مصدقين كل شي بينقال
وكأنو كتابنا المقدس وأنجيلنا
هني الي نزلوا هالأعراف ...
رغم أني أنتظرتك طويلا
ردحذفإلا
أني صدمت بكتابتك هذه
أأنت مسيحية ...؟؟
كلا لست مسيحية ....
ردحذف