بتعرف يا صاحبي الليلة رح يكون في حدث
حدث كبير وعظيم عند كتير ناس
بس عندي أنا مجرد عدد رح ينضاف مش أكتر
بدل/ 14 بصير/ 15
ههههههه شي بضحك كل ما أتذكر
شو صار بــ ال14 !!!
كان في شي ،،وخلص راح
كان في أنا ،،ورحت ما بعرف لوين
ههههههه مستغرب أني عم أضحك
أي اضحك معي انو شو فيها يعني
لتكون مش مبسوط أنو الليلة عيد!!
ورح يجتمعو الناس مع بعض ويباركو لبعض
ويضحكو على بعض
ع أساس ما بيعرفو كيف كل واحد منهن عايش
الليلة رح يعيش كتير حالة الأنفصام بالشخصية
رح يبين أديش هو مبسوط ومتسلي بالسهرة
بس بيكفينا نطلع بعيونو شوي
لنعرفو أديش هو تعيس من جواتو
الليلة رح يكون الكل مجتمع
أهلي ،،أصحابي ،،أقاربي
وأنا رح كون لحالي معك
مش مهم تعودت على وحدتي
وتعودت أني ما كون معهن بكل عيد
رح اضحك معك صح هههههههه
مش رح ابكي لأني لحالي
معك ومع شاشة اللاب الي رح تكون
مضوية كل الليل
ولما يتصل حدا في هاي اذا حدا تذكرني
رح تطلع معي موهبة التمثيل
ورح احكي واضحك وبين انو أي انا مبسوطة
وانا عم بسهر مع شلتي وأصحابي
شو يا صاحبي ليش ما عم تضحك معي
ههههههه اضحك بربك كل شي بضحك
يعني مين رح ينتبه انو ضحكتنا كذابة
وانو سهرانين مع فنجان قهوة مر كتير
متل هالسنة الي راحت
واكيد قريب لمرورة السنة الي جايي
ليكني وين انا بغرفة حيطانها صفرا
ههههه او بيضا مش عارفي
المهم أني بغرفة مسكرة وما فيها ضو
وبابها مهتري يمكن من كتر ما بفتح وبسكر في
هههههه مسكين هلك مني
يلا يا صاحبي تحضر معي للسهرة
تعى نضحك على الــ 14 / وننتظر الــ 15
يمكن يصير شي يغير حالنا من حال لــ حال
ما بتعرف كل شي بيتغير بين سنة ،،وسنة
يمكن هالسنة تكون احلا وشوف كل ناسي
وأسهر معهن سهرة تعوضني عن هــ الليلة!!!
