وطابت أوقاتكم أحبتي ؛
كان يا ما كان
كان في شاب وصبية
جمعتهم ضحكة شقية
ولسهرة مجنونة عزمها
صب فنجان القهوة وضيفها
اطلّعت في الصبية مدهوشي
وبعيونها نجمة الحب مرسومي
سألها بتعيشي معي حلمي ؟
حلمي مجنون ما بيعرف حدود
ولا بيعترف بالقانون
سرحت الصبية وتنهدت
وبصوت ناعم وافقت
مد ايدو وشبك ايديها
ووعدها ما يخليها ،
وبدت رحلة الحلم المجنونة
بسهراتها ،وحكاياتها
ونكدها ، وفرحها
كانو أسعد اتنين بين البشر
ويوم بعد يوم
زاد العشق والهيام
وصار البعد كلو وجع واحزان
كان الليل يضم النهار
وكانت الشمس تحضن القمر
وهو ، وهي عايشين يتحدّو الزمن
كان بينهن بلدان وجبال
وظروف أشد وأمر
وضلو سوا كل نهار ، ومسا
حتى بيوم فرقهن القدر
كيف ،وليش ومين السبب !!
ولـ كتابة هالقصة ما حدا عرف السبب
هو راح ورحل
وهي تركت الحياة والبشر
وناطرة يمكن بيوم يرجع الها الحلم !!؛
وانتهت يا صديقي قصتي معك .
ليست هناك تعليقات:
إرسال تعليق