حابي احكي معك بحكي
بدون ما نسق الكلمات
حكي كأنك حدي
بتشرب معي القهوة ..
بدي خبرك انو الحياة
بدونك كتير بشعة
صار اليوم باهت ما ألو لون
وانا من بعدك صرت
انسانة تانية ما بتشبهني
صرت بلا روح
بدي خبرك الخوف الي انا فيي
بسبب …..
أنفاسي عم تنعد عليي
كل حرف بكتبو
كل شي بعملو تحت المجهر
الخوف من بكرا شو رح يصير
ووين راح كون
الغريب اني بضل أسال حالي
ليش أنا ؟؟
وبجاوب حالي لأنو أنا !!!
اليوم اجبرت حالي اطلع
من الكهف المسجونة فيي
هربت بمعنى أصح
لحتى كون معك لوحدنا
لحتى ألك اني عم حاول
ضل قوية ومتماسكة
لانو عندي أمل اني
شوفك بيوم
عندي أمل انك تمسك ايدي
وتنسيني العالم
ع بالي ضيع معك
بالشوارع الكبيرة
ع بالي كل مطرح جمعنا
ع بالي ضيعك بعيوني
وهونيك بالجبل البعيد
احكيلك بلا حكي
أديش انا بحبك …
ليست هناك تعليقات:
إرسال تعليق