بعدا أنفاسك بتغمرني ....

 

 

سألتك مين أنتَ  ومن أيّ درب جيت ؟

سألتك شو بتعني أحرف اسمك !

وليش كل حرف بيشعل جواتي نار ؟

أنتَ الي كتبك القدر تكون حبيبي

أنتَ  الي انغرس رسمك بضلوعي

أنتَ البعيد القريب مني ،

نسيتكَ ،لاء ما نسيتكَ

بعدا أيدك بتزرع   زهر على خدودي ،

بعدا أنفاسك متل نسمات الليل الحنون

تنعش أنفاسي ،

ياريت القدر يجمعنا من جديد

لشوف عيونك  ، وضمك لـ ألبي

ليش أنا وأنت يعذبنا القدر

ليش يفرقنا ويوجعنا ؟

عم ببكي أيه عم ببكي

من السما بطلب من ربي الغفران

يمكن بــ ذنب كتب النا الفراق ؟

أنت  إلي ايه،، مهما باعدنا  الزمان

وسافرت فينا المسافات ،

وأنا إلك لوحدك هيدا عهدي من زمان

رح عيش ،وموت ويضل ألبي ملكك ،

ما تخاف ،ما تزعل عندي أمل نلتقي

ويجمعنا بيوم القدر .