سرق مني بوسة

من الصبح  ع  بكير 
يا صغيرتي ألي 
من ورا حجابك طلي 
سمعت اليوم في عيد 

من تاريخ ميلادك انولد 

ومن عيونك من حمرة خدودك 
من شعرك الغافي على كتافك 
عملو أجمل هدية ؛ 
يوم عيوني شافتك 
يوم تنهد البنفسج  بصدرك 
يوم زهّر الجوري ع خدودك 
يوم الفراشات رقصو ع حضورك 
يومها انكتب تاريخ ميلادي 

وصار العيد بحياتي ... 
وقبل ما يجف الندى ع  شفافي 
سرق مني بوسة 

وبسمة ، وغمزة 
وألي  صباح  الفل يا عمري 
كل عام وانتي حبي ؛ 

ألي بِحبك ...
ورفرف ألبي بين ضلوعي 
تبدل حالي ولبك كياني 
سنين مرت وكلمة بحبك 
بتخلي الورد يزهر ع خدي 
وبتخلي الدم يغلي بجسمي 
وبحبكَ أنا تــ يخلص النفس مني 
بحبك يا فرحة عمري 
كل عام وانت عيدي ؛ 
""يسعد مساك يا رفيئي 
يسعد مسا الجميع 
ربي يخليكن بكل الحب مغمورين "".