حبيت يا صديقي اليوم
أحكي معك بلغتي
يمكن مش مفهومي كتير
بس حبيت أتحرر
شوي من لغتي الأم
يعني بدي أعرف ليش نحنا كبشر
بنفوت حالنا بتسميات
ما ألها داعي ولا تبرير
بيحكوا لنا عن الأيحاء النفسي
أنو أحكي إنك هيك
وراح تصير هيك
وأكيد راح توصل لهيك
يعني جدي وجدك
كان عندن إيحاء نفسي قبل!!!
ما بعرف ما هني وصلوا
وكانوا أحسن منا كمان
نحنا مواليد الأيحاء النفسي
اسمع على سبيل المثال مش الحصر
أنا طلعت بالمصعد الكهربائي
فكرت شوي
أنو ليش سمو مصعد ؟
لأنو بيطلع فينا
طيب ما هوي بينزل كمان
ليش ما سمو مهبط ؟
يمكن عشان الإيحاء النفسي هههههه
لأنو لو تركب ب مهبط
معناها أنت محبط عفوا مهبط ههههه
ولك غريبة هالعالم
فوتونا بمسميات بتوحي إلنا
بالعزة والكرامة
وبنفس الوقت الي عم بصير
أنو عايشين بلا عزة ولا كرامة
كل شي استباحو فينا
حتى أرواحنا الي ما ألهن
دخل فيها تدخلو فيها
وعصروها بين أيديهن
ونحنا عم نطلع فيهن
ونوحي لحالنا انا عايشين
وما صاير علينا شي
هههههه يعيش الإيحاء
ايه يا صديقي
هيدا الزمن الي نحنا وصلنا الو
أنا وأنت وكتير غيرنا
وعلى قولتي الشهيرة
يلا كلو رايح
ليست هناك تعليقات:
إرسال تعليق