كأنو في لعنة من الله علينا
كنا بحرب صرنا بفيروس كورونا !!
كنا بلعنة صرنا بألف !!!
ما بعرف لوين راح نوصل
لوين العالم رايح
كل الي بعرفو ان الناس تعبت
تعبت من كل شي
حتى الحكي بكورونا العصر
صار شي روتيني
نسينا الحرب ، نسينا الغلا
نسينا الحرامية الكبار
والتهينا بشي صنعوه النا
يمكن لحتى ما نطالب بشي من حقوقنا !!
كل شي معقول
كل شي برسم إجابة
بتجاوبها الأيام الجاية
يتجاوبها من تحت التراب
تراب لعظام ناس ماتت مظلومة
كل ذنبها انها عاشت بهيك عالم
يا صاحبي
قلنا كتير انو كل شي مش مهم
لوصلنا لمرحلة حتى الحياة
صارت مش مهم نعيشها
نعيشها كحد ادنى كبشر
صار بدنا بس مساحة صغيرة
نتنفس فيها بدون ما نموت
بالكورونا !!!
شي غريب صح
شي غريب نوصل لهيك مرحلة من اليأس
وشي كتير مرعب انو نخاف
على حبايبنا وهني عنا بعاد
ما عنا غير الحكي والتوصيات
انتبهو منيح خليكن بالبيت !!!
بنخاف عليكن يا بشر
من البشر !!!
الله ينجينا من الأعظم
ويحمينا من الشر الأكبر
ويبعدنا عن كورونا الأحمق
الي ما بفرق بين الناس
وبياخد المسكين
وبيترك الطاغي والمتجبر !!! .
"زمن الكورونا"
ليست هناك تعليقات:
إرسال تعليق