حلمي ع شفافك بعدو غافي من سنين
حلمي وعيّ بين ايديك ،
زهّر متل الفل والياسمين
بالعتمة انت سراج هالليل
وشمسي بتشرق من عينيك ،
همسك متل الرعد زلزل كياني
وصوتك أجمل لحن سمعتو
بحبك ايه بعدني بحبك
نسيتك ابداً ما نسيتك ،
بعدك حلم غافي بعيوني
وبعدني بهمس ب حبيبي
واسمعك تألي يا عيون حبيبك ،
وبعدني بحب لون الزهر واسمي
وبعدك سر الهامي،، وسحر همسي ،
وبعدو اسمك مخلوط بدمي
ولو ينعاد في العمر لأرجع حبك من جديد
ولو تنعاد أيامي بضل ارسلك بكل صباحي
صباح الخير يا نور العين ،
بحبك ما تستغرب كلامي
والحب عندي متل نبع فيها ماي مقدسة
ما بتجف طول ما الحب بالقلب يجري ،
يمكن كلماتي مشربكة ومش مفهومة
يمكن ملبكة ومهمومة ،
ويمكن تكون نوبة شوق مجنونة !!
ويمكن كل هدول انا وحكاية حلمي ؛
وبالنهاية أنت ذنبي الي ما بتوب عنو
ووجعي الي ما بخلص منو .
ليست هناك تعليقات:
إرسال تعليق