شو رأيك يا صاحبي نتبادل الأدوار
تاخد مني أفكاري الي بتوجعني
وتعطيني جنونك ،،وشقاوتك
لفترة من الوقت ،،لترجع روحي الي
كتير حاولت يا صاحبي
إنسى وأدفن كل شي جواتي
بس الــ كتير وجعتني
وما نستني ،،وخلتني أغرق اكتر بحزني
كل السنين الماضية ،،والحب الي كان
بعدو بيسرقني من حالي
بعدو ببكيني ،،ليش ما بنسى ؟
ليش كل ما غمضت عيوني بشوفو
ليش كل موقف برجعني الو
لكلامو الي اخدني في لــ عالم تاني
وضيعني هونيك !!!
لقسوتو ،،لخذلانو ،،لهجرو
بكرهو لكل شي عملو معي
بكرهو لأنو حرمني من مشاعري
لأنو خلى ألبي ينبض بدون حياة
بكرهو لأنو بيسمع آهاتي
كأنها موسيقى عندو بتطربو
اي بكرهو ،،
لاء يا صاحبي كذابة أنا
ما كرهتو حاولت أني اكرهو
بس ألبي خاين ما طاوعني
ما كرهتو ،،بس ما بسامحو
شفت ليش بدي تاخد أفكاري
وتعطيني جنونك
لأنو جنونك ،،أهون من أفكاري
أهون من عذابي ،،
سؤال دايماً بسألو لحالي
إيمتى رح أرجع لحياتي ؟؟
كم سنة بيلزمني بعد لأرجع !!!
سامحني يا صاحبي ضيعتك معي .
ليست هناك تعليقات:
إرسال تعليق