ما تفكر يا صاحبي
أنو في قانون بيحمي القلب من الوجع
ما تفكر أنو وجعك بيوجع غيرك
حبيبي الحياة بدها صبر كتير
كم مرة بنسمع هيك حكي
بس بربك مين الي بطبق الصبر
ليش شو في بالدنيا شي بخليك تتحمل وتصبر
بتصبر على شغله من هون ..بتجيك مصيبة من هونيك
أي صارت حياتنا متل قضية فلسطين
معقدة مشربكة والكل بيعطي رأيو فيها
ولآ حدا حلها !!!!
يعني معقول نصير بزمن روح الأنسان
ما الها ثمن رخيصة بتنتهي على حسب مزاج
حدا من هدول الي مسميين حالهن
أنسان ...ولا المصيبة أنهم بيدعو الأسلام
يا صاحبي فكر معي بعقل شوي
أنو مين أعطاهم الحق هيدا !!!
يدبحوا ويغتصبوا ويهتكوا البرائة
والأهم من كل هيدا يستبيحوا
حرمة دم الأنسان
أي شو هالزمن الي وصلنا الو
وبعدك يا صاحبي بتحكي وبتعترض
انو ما في احساس بالدنيا
بتعرف شو أنا مشربكة يمكن
مش عارفة ركز من كتر الأخبار
الي بشوفها كل ما أجا ببالي أفتح تلفزيون
ما في غير دبح وقتل وسلب ودمار
يا رحمة ربي وحلمه على بني البشر
ما ضل في حرمة إلآ وأنتهكوها
وبعدن وبعدنا ما خلصنا
يمكن بدنا معجزة تخلصنا
بس يا صاحبي نحنا بزمن ما في معجزات
ايه خليك معي ومع أفكاري
وبضمن الك مستشفى المجانين بالنهاية
ليست هناك تعليقات:
إرسال تعليق