بتعرف يا صاحبي دايما برجع لنفس النقطة
نفس المكان ،،ونفس الطاولة
وعيوني تطلع بالمراي(المرآة) الي بأيدي
بلكي بلمح طيفو جاي من الباب
وبشغل حالي بطلب فنجانين قهوة
سادة لحضرتي ،،وسكر وسط لحضرتو
بمحاولة غبية مني حتى ما تفلت ذكرياتي
من عقلي وتنسى متل كتير أشيا انتست
مجبورة أربطها بصخرة كبيرة
عشان ما تروح متل ما كل شي راح
وبهدوء بطلب من الكرسون (النادل )
يخلي موسيقى لفيروز عشان
روح معها لهونيك لعندو
وبعدا أيدي حاملة المراي
بس لفت نظري رجفة شفافي
حسيت أنهم بيحكو قصة البرد جواتي
سرحت لبعيد لما كنا سوا على نفس الطاولة
كل تفاصيل اللقاء ،،وملامحك لما تحكي
مزروعة داخلي حتى لو باعدت بينا المسافات
حتى لو القدر ما جمعنا بيوم
رح ضل أجي على نفس الطاولة
وأحمل المراي وأطلع فيها
بلكي يوم يضحك الي القدر
وشوفك تمشي وعيونك تطلع بلهفة
على طاولتي .
أَولك بيتحقق حلمي ؟؟
أولك بيتحقق الحلم بيوم
ردحذفبتعرفي .. بنام وجوالي حدي
يمكن اسمع رنة جوالي
يمكن منك رسالة
ويمكن عم بزغ الفجر يعلن بكرا
أولك رح يجي بكرا
ولا القدر بعدو معاندني
ياريت تمشي الايام
وتمشي الدني
بدي تخلص هل الحياة
شو معناها اذا انت مش الي
بلكي بنخلق من جديد
وفيك التقي
بلكي قدر جديد بيحقق حلمي
أولك بيتحقق حلمي
بتعرفي يمكن تضحكي ...هههههههههه
اي ما تستغربي
ريحة قهوتك عم متل شي نسمة
متل همسات مع الريح تجي
متري حلم متري انا عم اهذي
اي طعم قهوتك بشفافي عم اتذوقا
متل دمعة مي تروي صدر المشتاق بحبيبو يلتقي
متل شي وردة عيونا بالسما عن تشتهي
قطرة ندي
طلت شمس صغيرة
ياخد دفا تاخد نسخ
تاخد لحظة صبح وتنحي
اي طلتلك شمس ع الدني يطل
وصبحك طل الفل يهدي
اريجك ومسك وعنبر ايديك
وليلك قمر تهرب العتمات وتبقي
ع الفجر ايديك تصافح ايدي
رد جميل ومتناسق مع كلماتي
ردحذفأبداع في التعبير
وكأني أرى كلمات تتمتزج بأحرفي
وتُخرج سمفونية رائعة
تراتيلها عذبة
جميل حقاً ما قرأت
سعيدة بحضورك ممتنة لكلماتك
باقات من الفل لروحك