بشبهك بطلاّت القمر من بين الغيوم
بنسمات الهوا ع بكرا بكير
بأغاني عصافير الضيعة
بوشوشة الريح لوراق الشجر
بحب السكوت بقصصك ورواياتك
بسمع صدى صوتك بسكوتك
بحب كل شي فيك
غضبك..جنونك ..فرحك
حتى حزنك بحبو
خربشاتك على الورق
وسوسة الشك بعيونك
حنانك لما تطّلع في ّ
حتى وأنت زعلان مني
الفوضى الي بغرفتك
وأنت بدور على علبة دخانك
بحب فيك تضحياتك
وحبك لغيرك ومزحك مع أصحابك
أغراضك الي مبعثرة هون ..وهون
دلعك لسيارتك ....
بحب لما تكون مشغول
وأخطر ببالك
بعشق بسمتك لما تشوفني بعيونك
عرفت أديش بحبك ؟؟
ليست هناك تعليقات:
إرسال تعليق